Velkomin í Herdísar heim

skírn

Wed, 29 Oct 2008 14:50:27 GMT

Enn ein helgin búin og sú næsta alveg að ganga í garð. Ótrúlegt hvað tíminn líður rosalega hratt núna. Kominn hörku vetur og manni er bara alltaf kallt, allsstaðar.

En um síðustu helgi skírðu Hjalti og Sigga litlu dúlluna sína og fékk hún nafnið Hugrún Birna og passar það henni mjög vel. Hún dafnar rosa vel stelpan og er orðin meira en 5 kg enda sést það á bollu kinnunum:) Hún stóð sig eins og hetja í kirkjunni, lét aðeins í sér heyra fyrst en þagði svo allann tímann. Í veislunni heyrðist heldur ekkert í henni á meðan veislugestir gæddu sér á öllum kræsingunum sem voru ekkert smá flottar. Ég borðaði allavega allann daginnn...

Á föstudagskvöldið var karla- og kvennakvöld tradition sem er hliðarfélag Mágusar. En Mágus er nemendafélag viðskiptafræðinema. kvöldið var mjög skemmtilegt, við stelpurnar fenguð kynlífhjálparkynningu, Sigga í súper kom og kenndi okkur erótískt nudd og að lokum kom strippari. Í lok kvöld komu svo strákarnir og allir djömmuðu saman rosa gaman. Fyrir ykkur sem viljið þá eru myndir á facebook.

Á laugardaginn fór ég með Guðrúnu og Gunnari að rölta niður í bæ og sá merkisatburður gerðist í mínu lífi að ég fór í kolaportið í fyrsta skipti:) Um kvöldið kíktum við Guðbjörg Erla svo í afmæli til Vigdísar Marianne. Eftir það kíktum við svo í eyja partý í Iðnó sem var mjög skemmtilegt og mikið dansað. Ég ákvað samt að fara snemma heim svo ég myndi ekki vera þunn í skírninni.

Næsta helgi verður svo örugglega bara í rólegheitum, held mér veiti ekki af að læra og slaka á. En annars held ég bara að skólinn gangi vel. Ég var í 3 miðannarprófum um daginn til að sjá hvar ég stend og er ég búin að fá úr einu en hin 2 eru eftir. En ég fékk 7.6 í fjárhagsbókhaldi eins og ég var búin að blogga um held ég.....man það ekki alveg er nefninlega komin með alzheimer light:haha:

Segi þetta gott í bili
kv. Herdís

!?

Mon, 20 Oct 2008 21:22:31 GMT

Mér fannst kominn tími til að blogga en svo veit ég ekki alveg hvar ég á að byrja en hef samt alveg frá nógu að segja.

Fyrstu helgina í október fór ég með ca 22 krökkum úr viðskiptafræðinni í vísindaferð til Köben. Þetta var snilldar ferð með snilldar fólki. Ég kynnist fullt af krökkum í þessari ferð, og ég held að þetta hafi verið mjög góður hópur sem náði mjög vel saman þó að við höfum ekki öll þekkst fyrir ferðina. Við fórum snemma á fimmtudagsmorgni til Köben, reyndar ekki eins snemma og við áttum að gera því auðvitað var seinkun hjá Iceland express. Þegar við vorum loksins komin á áfangastað var farið upp á hótel og skipt um föt á met tíma. Svo tókum við lest í fyrstu vísindaferð helgarinnar sem var hjá Landic property. Þar fenguð við að kynnast mjög spennandi fyrirtæki sem á fasteignir út um allt á norðurlöndunum. Auðvitað var nóg af bjór, samlokum og ávöxtum í boði. Mjög flott og skemmtileg vísindaferð. Eftir það var farið á Hard Rock café og happy hour notað í botn áður en klukkan varð 19.00 Þar var semsagt pantað nóg af bjór og kokteilum og hamborgurum og fleiru góðgæti. Þegar allir voru orðnir vel saddir og fullir var farið upp á hótel þar sem allir héldu áfram að hella í sig. Nokkrir voru svo hressir að fara út á djammið það kvöldið en flestir fóru nú bara að sofa rétt eftir miðnætti.
Á föstudagmorguinn fórum ég og Guðbjörg Erla vinkona mín til Malmö og versluðum smá í H&M og fleiri búðum. Svo fengum við okkur að borða og Sigga kom og hitti okkur í smá stund. Það var ekkert smá gaman að hitta hana:)
Svo tókum við lestina aftur til köben, skiptum aftur um föt á met tíma og fórum með hópnum til í Straum-burðarás. Þar tók maður á móti okkur sem hafði ekki haft neinn tíma til að undirbúa fyrirlestur því hann hafði verið í símanum allann daginn. Fréttir dagsins höfðu verið að allir íslensku bankarnir væru að fara á hausinn og allir á Íslandi ruku í bankana til að taka peniginnn sinn út. Við fengum samt mjög "skemmtilegan fyrirlestur" og margar fréttir, uppfrá því sköpuðust fjörugar umræður og svo var allt vínið sem til var í húsinu týnt fram og við látin drekka allt sem til var. Allir voru að sjálfsögðu mjög ánægðir með það:)
Næst var ferðinni heitið á ítalskan veitingastað sem ég man ekki alveg hvað heitir, en þar var allavega haldið áfram að drekka og borða. Því næst var stutt partý upp á hóteli og svo var haldið niður í bæ og djammað þar langt fram eftir nóttu.
Á laugardagmorguninn tók ég svo lest aftur til Malmö og loksins loksins hitti ég David, Siggu, Önnu Ló, Baltsar og Heimi Móses:D
Það var æðislegt að geta eytt deginum og kvöldinu með þeim. Guðrún systir Siggu var líka í heimsókn og við skemmtum okkur mjög vel í kósý heitum á laugardagskvöldið yfir nammi og dvd myndum. Ég gisti svo heima hjá mér í Malmö og eyddi líka sunnudeginum með fjölskyldunni. Ég hitti svo hópinn út á kastrup um kvöldið þegar við vorum að fara heim.

Helgin var mjög vel hepnuð að öllu leyti og vil ég þakka öllum fyrir ferðina.

Helgina eftir það fórum við stelpurnar í bústað og það var líka rosa skemmtilegt eins og alltaf þegar við í djúsanda hittumst:) Við byrjuðum á því að gera okkur að fíflum með því að fara klæddar eins og Zorró í ríkið og bónus í Hveragerði til að hafa nógar veigar yfir helgina. Eitt er víst að það var nóg af kjúklinga vængjum á staðnum:D hehe Svo var bara drukkið, dansað, sungið, spilað, farið í pottinn, göngutúr og margt fleira brallað.

Núna um helgina var svo reiðhallarball í Þorlákshöfn sem var mjög skemmtilegt. En guð hvað ég var þunn daginn eftir. Held bara að mér hafi aldrei liðið svona illa áður8|
Á laugardaginn fór ég með Örnu Hrönn, Guðrúnu og Hugborgu í sund. Þegar við komum heim bakaði Hugborg skonsur og vöfflur og það var sko heldur betur borðað yfir sig af sykri, ís og sírópi:) Auðvitað var rosa gaman að koma á Selfoss og knúsa litlu sætu frænkur mínar. En næsta sunnudag verður litla Hjaltadóttir skírð. Get ekki beðið eftir að heyra hvað hún á að heita.....spennandi......

Svo ég tali nú ekki bara um djamm og ofát þá var ég í fyrsta prófinu mínu á miðvikudaginn en það var í rekstarhagfræði og svo var annað próf á föstudaginn í fjárhagsbókhaldi. Á miðvikudaginn er svo próf í stærðfræði. Þetta eru miðannarpróf sem koma bara til hækkunar á lokaeinkunn sem er mjög gott því maður hefur líka tækifæri til að sjá hvernig maður stendur í viðkomandi fagi. Ég er ekki búin að fá út úr fyrra prófinu en í fjárhagsbókhaldi fékk ég 7,6:) bara ánægð með það því þetta mun hækka lokaeinkunina mína um 1.14 og það mundar sko um það. Núna er ég svo bara að læra fyrir næsta próf og bíð eftir að fá út úr hinu prófinu og vona að það hafi gengið eins vel:)
jæja segi þetta gott í bili. Ætla að halda áfram að reikna.
Kv Herdís

bloggleysi

Tue, 16 Sep 2008 12:30:01 GMT

Þessi síða er nú nánast að deyja út hjá mér en ég ætla að glæða hana smá lífi enda margt búið að gerast síðan síðasta blogg var sett inn.

Stelpan bara flutt í stórborgina og orðin miðbæjarrotta:) Byrjaði þann 1.september í viðskiptafræði við Háskóla Íslands og líkar nokkuð vel. Er svo núna að bíða eftir því að fá að vita hvort ég fái eitthvað metið frá Svíþjóð.

Fimmtudaginn 4.sept kom lítil frænka mín í heiminn og gekk rosa vel. Hjalti og Sigga voru komin upp á sjúkrhús 08.45 að morgni og daman komin í heiminn ca 20 mín seinna. Þeim var svo hent heim seinni partinn sökum verkfalls en fengu aðstoð heim í staðinn. Skvísan dafnar mjög vel og er yndisleg í alla staði.

Laugardaginn 6.sept var svo loksins komið að brúðkaupinu hjá Hugborgu og Grétari. Það var nóg að gera fyrir stóra daginn. Edda frænka kom frá Þýskalandi og Susi og co komu frá Dk:)
Þegar brúðirinn var loksins komin í kirkjuna og það MEÐ brúðarvöndinn, hann gleymdist samt heima og var pínu stress í gangi en Jón Ívar brunaði og náði í hann. Allt fór vel að lokum, þau sögðu bæði já og athöfnin var mjög falleg, enda féllu nokkur tár;)
Veislan var svo algjör snilld, hef bara ekki skemmt mér svona vel lengi. Allir voru í hörkustuði og farnir að dansa meira að segja pabbi.....
Ég var svo ekki komin heim fyrr en um kl 3...

Síðasta helgi var svo bara tekin í ró og lærdómi. Ég var í dæmatíma á laugardaginn og passaði svo Örnu Hrönn. Kíkti svo á Selfoss í gær og fékk far í bæinn bara í morgun. Það var nú voða gott að koma smá heim og láta mömmu elda ofan í sig, fór svo til Hjalta og Siggu og skoðaði litlunu aðeins betur enda var ég ekki búin að sjá hana í heila viku.

Framundan er svo jaxlataka næsta föstudag en þá verða síðustu tveir teknir. Mikið verður gott þegar það er búið en ég bíst við að helgin farin í það að liggja uppi í sófa og briðja verkjatöflur:(

Fyrstu helgina í október er svo vísindaferð til Köben það verður bara gaman.Við förum í tvær vísindaferðir og svo líka í carlsberg verksmiðjuna ef við viljum. Annars verður svo líka frjáls tími til að drekka og versla. Ég ætla að sjálfsögðu að hoppa upp í lest og kíkja í heimsókn til Svíþjóðar, ég bara verð að fá að knúsa börnin mín:)
En það er fundur í dag og þá fáum við að vita nákvæmlega hvernig dagskráin er.

Jæja segi þetta gott í bili.
kv. Herdís háskólapía

Fékk þetta á tölvupósti og varð bara að henda þessu hérna inn:)

Tue, 19 Aug 2008 10:14:06 GMT

Þú veist að það er 2008 ef.....

1. Þú ferð í Party og byrjar að taka myndir fyrir bloggið þitt.

2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .

4. Þú leitar frekar um alla íbúð af fjarstýringunni í stað þess að ýta bara
á takkann á sjónvarpinu.

6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.

8. Þú hugsar um hvað það er mikil vitleysa að lesa þennan lista.

9. Þú ert of upptekin/nn að taka eftir númer fimm.

10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.

12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu...
Aha ekkert svona fyrst að þú féllst fyrir þessu.

Sendu þetta á vini þina, á bloggið þitt eða komdu þessu á framfæri
einhverstaðar innan 2 mínútna og 14 sek eða minna og morgundagurinn þinn
verður besti dagur sem þú hefur upplifað .. hingað til!

En, ef þú bíður of lengi,
mun það ekki skipta neina því hverjum er ekki sama svona lista ... En
vinir þínar munu missa af frábæri skemmtun

hetjur

Tue, 22 Jul 2008 15:22:28 GMT

Vá síðasta blogg var aðeins of langt og vilja lýsa alla sem nenntu að lesa það hetju vikunnar.
Síðustu dagar eru búnir að fara í vinnu og svo samveru með útlendingunum mínum sem alveg búið að vera æðislegt. En í gær fórum við mamma og pabbi út að borða með þjóðverjunum á fjöruborðinu. Ekkert smá góður matur þar á bæ:) En ég þurfti svo að kveðja þau í gærkvöldi því þau verða í bænum næstu kvöld og fara svo heim snemma á fimmtudagsmorgunn. Ekki skemmtilegar svona kveðjustundir en ég get huggað mig við það að Sigga og David og hin börnin mín 3 eru á landinu og ég á sko eftir að hitta þau fullt og vera með þeim:d
Ótrúlegt samt hvað tíminn er fljótur að líða þegar það er svona gaman og fólk er í heimsókn. Mér finnst Edda og co vera nýkomin en svo eru þau bara að fara aftur strax. Annað sem er ótrúlegt er að hún Arna Hrönn litla krúttu frænka mín er orðin 6 mánaða í dag. Ætli maður kíki nú ekki á dömuna í tilefni dagsins. Segi þetta gott í bili en tileinka henni færsluna og enda þetta á einni mynd.

komin heim!!

Mon, 14 Jul 2008 19:30:11 GMT

Kræst hvað ég hef verið löt síðan ég kom heim því ég hef ekki skrifað einn staf á þetta blessaða blogg mitt. En nú gerist það, eitthvað stórt því þetta mun örugglega verða lengsta blogg ever, ég hef frá svo miklu að segja.

Ætli ég byrji ekki þar sem ég hætti síðast eða daginn sem ég fór til Þýskalands þann 9.júní 2008. Hitti Hjalta og Siggu á flugvellinum þar sem þau tóku bílaleigu bíl við keyrðum heim til Eddu og Thomasar. Á þriðjudeginum fórum við til Kölnar og skoðuðum borgina vel, sérstaklega dómkirkjuna. Á miðvikudeginum skoðuðum við Münster sem er gamall bær en þar eru mjög margir háskólanemar og eru nánast allir á hjóli þar. Þetta er mjög gömul og falleg borg og var mjög gaman að koma þangað aftur. Á fimmtudeginum vorum við hjá Mundu að mestu leyti en Steini var því miður á sjúkrahúsi allann tímann sem við vorum í Þýskalandi. Á föstudeginum fóru Hjalti og Sigga eldsnemma til Berlín og ég var í rólegheitum heima í Essen. Aðfaranótt laugardags fór ég svo eldsnemma út á flugvöll og Thomas var svo elskulegur að nenna að keyra mig um miðja nótt. Ég var svo komin heim til Malmö ca kl 9 um morguninn. Ég notaði svo tækifærið einhverntíma um miðjan dag til að leggja mig því ég náði ekki miklum svefni um nóttina. Á laugardagskvöldinu komu svo Inga-Britt, Bertil og Angela vinkona mín í heimsókn. Fyrst flæddi allt í kampavíni og jarðaberjum, svo fékk ég flottustu kveðjugjafir í heimi frá öllum. (síma, úlpu, myndir, eyrnalokka, myndaramma og heimagerða keramík skál, allt geðveikt flott og vil ég þakka ennog aftur fyrir mig). Því næst var Davíð búin að elda svaka steik og meðlæti sem allir borðuðu með bestu lyst ásamt rauðvíni. Þegar klukkan var alveg að verða átta drifum við konurnar 4 okkur út því halda skyldi á tónleika með Dolly Parton. Þetta voru geggjaði r tónleikar, við vorum í svaka stuði og sérstaklega Angela, flest allir svíarnir sátu samt bara og horfðu á, voru ekkert að æsa sig yfir þessu. Eftir tónleikana löbbuðum við svo bara heim en ég og Angela fórum aftur af stað og drifum okkur niður í bæ á smá djamm. Daginn eftir þurfti ég svo að kveðja Angelu, Ingu-Britt og Bertil og það var ekkert lítið erfitt. Nokkur tár féllu en það var ekkert miðað við hvað kom daginn eftir.

Sunnudagurinn og mánudagurinn fóru svo bara í það að pakka og knúsa krakkanan endalaust og gera alla hluti í síðastaskipti, sem var mjög skrítið eftir svona langa dvöl. Þegar Sigga kom heim úr vinnunni á mánudeginum fórum við beint upp í bíl og á Thailenskan veitingastað sem var í bát í Vestra-Hamnen, rosa flott og borðuðum við kvöldmat þar. Síðan var haldið út á flugvöll þar sem fólkið í tékkinninu stóð fast á sínum asanlegu Iceland-express reglum um að það megi sko alls ekki vera með nein aukakíló en taksan mín var 5 kg of þung. Þau vildu endilega rukka mig um þessi aula 5 kíló þó svo að ég væri nú mun léttari en margir um borð í flugvélinni. Samt spurðu þau hvort ég gæti tekið 2kg og sett í handfarangur(sem ég gat reyndar ekki) og þá hefðu þau sleppt mér. Ég bara spyr, hvaða máli skiptir hvort þessi 2 kg séu í stóru töskunni eða í bakpoka með mér inni í flugvél??????? Allt fer þetta í flugvélina á endanum og ætti ekki að skipta nokkru máli. Jæja ég nenni nú ekki að ergja mig meira á þessu asna flugfélagi, er búin að fá nóg af þeim og þeirra veseni, held ég fljúgi með Icelandair í framtíðinni. Jæja þá var runninn erfiðasta stundin, ég þurfti að kveðja;( Held ég hafi sjaldan á ævinni grátið jafn mikið. Þarna stóðum við alveg við securitas hliðin og hágrenjuðum ég og Sigga, held að krakkarnir hafin nú lítið skilið í þessu en ég fékk allavega gott knús frá öllum. Ég hélt svo áfram að grenja í röðinni því þau voru fljótlega komin út og ég sá þau út um gluggann og gat veifað heillengi og grátið auðvitað. Enda voru allir á flugvellinum farnir að horfa mjög mikið og skringilega á mig. En jæja ég jafnaði mig að lokum og komst heim til Íslands þar sem Grétar, Hugborg og Arna Hrönn biðu mín á flugvellinum.
Það var rosa gott að koma heim en líka skrítið að fara ekki aftur út til Svíþjóðar, var orðin svo vön að koma til Íslands í nokkra daga og fara svo aftur. Á 17. Júní var mjög gott veður og skellti ég mér í skrúðgöngu og hitti fullt af fólki. Um kvöldið kom svo hela familjen til mömmu og pabba í mat og gátum við borðað úti, það var svo gott veður. Daginn eftir byrjaði ég svo að vinna í ráðgjafa- og þjónustuveri Landsbankans og sit þar núna alla virka daga frá 9-17 og svara í símann. Vinnan er fín en það var mjög mikið að læra í byrjun en núna er ég búin að ná tökum á því mesta.

Fyrstu helgina eftir að ég kom heim fór ég í sumarbústað með Hugborgu, Grétari, Örnu Hrönn, Vilborgu, Magnúsi Degi, Guðrúnu, Steina, Ásdísi og Védísi. Það var mjög kósý og skemmtilegt þrátt fyrir rigningu og bilað auga hjá mér. En ég held að ég hafi fengið glerbrot í vinstra augað þegar ég var að taka til í herberginu mínu á fimmtudagskvöldinu. Ég fékk allavega sár á hornhimnuna sem lagaðist samt eftir nokkra daga með kremi í augað.

Helgina eftir það fórum við vinkonurnar ásamt mökum og einu barni og hundi í útilegu á Álfaskeiði og skemmtum okkur mjög vel en það var reyndar mjög kalt í þessu rokrassgati.

Síðasta fimmtudag kom svo fjölskyldan mín frá Þýskalandi og af þvi tilefni var haldin stór grillveisla hér heima á laugardaginn þar sem afkomendur ömmu og afa í pabba ætt voru saman komnir. Þetta var rosa gaman en því miður voru nokkrir sem komust ekki.

Á föstudagskvöldið komu síðan Sigga, David og krakkarnir loksins til landsins. Ég fór í bæinn til þeirra í gær, var fyrst boðin í vöflukaffi hjá Guðrúnu og Hössa, fór svo með þeim heim til Önnu Lóar og Heimis og svo enduðum við í grilli hjá Frosta og Evu um kvöldið. Það var rosa gaman að hitta þau öll aftur og á ég eftir að hitta þau oft og mikið á meðan þau eru á Íslandi næstu 2 vikurnar.

Jæja nú segi ég þetta gott í bili, er að fara á stelpukvöld heima hjá Unni að slúðra og spjalla.

Kv. Herdís

jæja

Mon, 09 Jun 2008 14:06:43 GMT

jæja jæja jæja krakkar mínir. Nú styttist heldur betur í að ég lendi á hinu undurfagra Íslandi:) En fyrst ætla ég að skreppa til Þýskalands í kvöld og koma aftur til Svíþjóðar á laugardagsmorgun. Mamma og pabbi koma svo hingað um hádegi sama dag, um kvöldið verður smá kveðju grill partý fyrir mig og á mánudagskvöldið kem ég svo heim. Mæti svo hress og kát í skrúðgöngu á 17.júní:)
Núna erum við loksins búin að skila ritgerðinni en það hófst fyrir rest þann 3.júní. Í dag voru svo allir hóparnir 7 að kynna sínar ritgerðir og svo átti einhver annar hópur að koma með komment um þeirra ritgerð. Þegar þetta var svo loksins búið því sumir töluðu aðeins meira en aðrir:( fengum við að vita að það var bara einn hópur sem náði og hafði skrifað nógu góða ritgerð. Allir hinir hóparnir þurfa að laga sínar ritgerðir og skila 20. ágúst þannig að við þurfum að hafa þetta helvíti hangandi yfir okkur allt sumarið. En ég veit reyndar ekki hvað við þurfum að laga mikið en við fáum að vita það síðasta lagi á föstudaginn sem þýðir á sunnudaginn hjá kennarunum. (hún er soldið lengi að öllu greyið). Um daginn setti hún einkunnir úr síðasta prófinu 2 dögum of seint á netið og þá kom í ljós að ég náði ekki prófinu;( En mér finnst það samt ekkert skrítið því prófið var mjög erfitt og það voru ekki nema 5 af 58 nemendum eða rétt tæplega 9% sem náðu þessu prófi. Ég er mjög mikið farin að efast um kennslufærni þessarar blessaðrar konu, það bara getur ekki verið að ALLIR nemendurinir séu svona vitlausir. En allavega þá nenni ég ekki að hugsa meira um þetta og gera mig pirraða heldur ætla ég að njóta þess að vera í fríi og "búin" með þennan skóla þangað til í ágúst en þá get ég mjög liklega fengið að taka prófið á Íslandi.
Annars er ekkert að frétta héðan nema að sólin skín á hverjum degi og allur gróður að skrælna en það er eitt gott við þurrkinn og það er að helvítis festingarnar sem eru blóðsugu pöddur sem bora sér undir húðina og festast þar þær þola ekki þurrkinn og deyja sem er mjög gott:)
Ég held að það sé mun meira að frétta á Íslandi þar sem allir eru að drepast úr hræðslu eftir jarðskjálftana og að klára að hreinsa upp síðustu glerbrotin. Hvernig fór hjá ykkur? Sluppuð þið eða fór allt í rúst eins og heima hjá foreldrum mínum og fleirum?
jæja hef þetta ekki lengra í bili, ætla út í sólina í smá stund áður en ég hoppa upp í flugvél til Þýskalands að hitta Hjalta bróður og Siggu og auðvitað allt frændfólkið þar.

Stutt fréttaskot

Tue, 27 May 2008 08:01:26 GMT

Halló halló!
Héðan úr Malmö er allt fínt að frétta, veðrið leikur allaf við okkur nema í gær þegar það ringdi eins og hellti væri úr fötu allann daginn. Enda var þetta týpískur leti inni dagur. Skólinn er búinn þannig séð en við erum 4 í hóp núna að skrifa 20 síðna ritgerð um framtíðarmöguleika Brio og gengur það nokkuð vel, eins gott því við þurfum að skila henni á þriðjudaginn í næstu viku.
Heimir Móses var í 1 1/2 árs skoðun á fimmtudaginn enda varð hann 18 mán á laugardaginn(vá hvað tíminn líður), fékk hann sprautu hjá lækninum en fann ekkert fyrir henni. Strákurinn er heldur betur orðinn stór því hann mældist 89 cm og heil 14,08 kg:) Anna Ló og Baltasar eru svo alltaf í leikskólanum að föndra og leika sér og skemmta sér konunglega við það enda sést það líka á útganginum á þeim þegar þau koma heim:D Á morgun er grillveisla í leikskólanum þar sem foreldar og systkini mæta líka.
Um helgina voru Simon og William hjá okkur en það er í næstsíðasta skipti sem ég sé þá. Ég fór líka niður í bæ um helgina og hitti Helgu áður en hún fer til Frakklands til að vera þar í allt sumar þannig að ég hitti hana heldur ekki meira. Það er einhvern veginn mjög skrítið að hugsa til þess að koma ekki aftur og hitta alla. Held ég sé að átta mig á því fyrst núna að ég muni ekki koma hingað aftur til að búa hér þó ég eigi auðvitað eftir að koma í heimsóknir en það er allt annað.
Næstu helgi koma svo Amma Ló og afi Heimir í heimsókn með fullt af vinafólki með sér en þau verða nú að mestu leyti á Göta bruk held ég og spila golf. En þau kíkja nú samt líka hingað:)
Annars er ég bara að bíða eftir að fá útúr prófinu og hlakka ekkert lítið til þegar við verðum búin með ritgerðina:) Þá er allt skóla vesen búið.
Jæja segi þetta gott í bili, ætla að taka smá til og þvo smá þvott áður en ég skelli mér í sólbað í smá stund 8)8)
kv. Herdís

2 vikur síðan síðast

Sun, 18 May 2008 20:06:24 GMT

iss það líður alltof langt á milli blogga hjá mér....En það er margt búið að gerast á síðast liðnum 2 vikum. Fyrir það fyrsta er veðrið búið að vera yndislegt nema í dag þá var skýjað og ekki nema 12°C annars er búið að vera sólbaðs veður nánast á hverjum degi. Oh gerist bara ekki betra8) Ég var í prófi þann 12. maí sem ég var engan veginn að nenna að læra undir en ég lét mig hafa það. Reyndar var ég líka mjög góð við sjálfa mig og leyfði mér að fara í bíó kvöldið fyrir próf. Prófið var samt mjög erfitt og frekar ósanngjarnt mér gekk allavega ekkert rosalega vel og það voru mjög margir sem fóru eftir klukkutíma sem var lágmarkssetutími. Veðrið var nú samt ekki eina ástæðan fyrir að ég nennti ekki að læra heldur var líka fullt af fólki í heimsókn yfir helgina hjá okkur. Símon og William voru þessa helgi, Frideborg og Gustav voru í pössun og Lotta og Daniel voru í mat á laugardagskvöldinu þegar þau komu að ná í krakkana. Svo var Guðrún systir Siggu og Gala vinkona Siggu frá Spáni líka í heimsókn. Nóg af fólki og allt að gerast. Enda var mjög tómlegt í húsinu þegar allir voru farnir. En daginn eftir prófið fagnaði ég prófalokum og var búðar guid fyrir Guðrúnu og auðvitað verslaði ég sjálf líka.
Núna á föstudaginn var mjög fínt veður enda vorum við í garðinum nánast allann daginn. Í gær vorum við boðin í hádegis mat hjá Daniel og Lottu, eftir matinn fórum við konurnar í outlet sem er rétt hjá þeim eða í Svedala, auðvitað var verslað soldið þar en þegar við vorum búnar þar tók ég lest til Lundar. Sigga og Lotta tóku við börnunum og karlarnir fóru í outletið í staðinn, þau voru svo í mat hjá þeim um kvöldið líka en ég fór til Lundar í grillveislu með kórnum og mökum þeirra og börnum sumra líka. Þetta var mjög skemmitlegt kvöld og gaman að hitta alla áður en leiðir skilja og fólk fer að ferðast um allan heim í sumar nú eða verða bara eftir í Svíþjóð. En allavega heilsan var nú ekki sú besta í dag en ég skellti mér samt með fjölskyldunni í tívolí í köben sem var mjög gaman og hressandi. Ég skemmti mér mjög vel í litlu tækjunum en lét þau stærri vera í þetta skiptið. Æ ég er nú örugglega að gleyma að segja frá einhverju en hey það styttist í að ég komi heim og þá get ég bara sagt ykkur frá öllu í eigin persónu. hehe
Þýskalandsferðin nokkurn veginn orðin plönuð og svo styttist í að mamma og pabbi komi í heimsókn líka og svo bara heimkoma eftir tæpan mánuð. Vá hvað tíminn líður hratt, strax komin 18. maí.
Jæja segi þetta gott í bili þangað til næst.
kv. Herdís Ólöf

mixed emotions

Sun, 04 May 2008 21:16:08 GMT

Halló halló!
ákvað að skella inn örstuttum pistli eftir helgina.
Veðrið var geggjað um helgina og vorum við á Göta bruk í sveitasælunni að baða okkur í sól alla helgina. Maria, Clive, Tim og Rosa komu í heimsókn og gistu á föstudagskvöldinu. Á laugardagskvöldinu fór ég í 25 ára afmæli hjá Anders kærasta Angelu vinkonu minnar sem var helvíti gaman bara. Kvöldið í kvöld er svo bara búið að fara í tölvu hangs og símtöl. Nei grín en mamma og pabbi hringdu og töluðu við mig heillengi og Hugborg líka. Svo hringdi Munda frænka frá Þýskalandi og svo mamma aftur. úff nóg að gera sko. Mamma og pabbi ákváðu allavega að koma og heimsækja mig hingað til Svíþjóðar daginn sem ég kem frá Þýskalandi og verða hér eða í Köben lengur en ég og fara svo í allsherjar ferðalag til Germany og Polen þar á eftir. Ég er nú frekar móðguð, maður er að koma heim eftir 1,5 ár í útlöndum og loksins þegar ég kem heim flýgja þau land....er það nú? En það verður nú samt rosa gaman að fá þau í heimsókn. Planið var að fara á tónleika með Dolly Parton sama kvöld og gamla settið kemur en við vorum aðeins of sein að panta miða því miður og það er uppselt en í staðinn ætla Sigga og David að halda kveðju partý fyrir mig:) Æ þau eru alltof góð við mig;) En allavega verður það örugglega mun skemmtilegra því þá get ég hitt alla hér og kvatt almennilega áður en ég fer heim og svo geta mamma og pabbi þá líka hitt vini mína og fjölskyldu hér sem er líka mjög gaman:D
Svo er ég líka búin að kaupa flugmiða heim og er lending klukkan 22.40 þann 16. júní:D Oh það verður mjög gaman að koma heim en shit það verður líka erfitt að fara héðan. Get ekki hugsað um það en samt hlakkar mig líka til að koma heim. Mjög blendar tilfynningar hér á ferð.8|
Segi þetta gott í bili, hafið það gott þangað til að ég kem heim.
kv. Herdís Ólöf ofur freknótta

í sól og sumaryl ég samdi þetta lag...

Thu, 24 Apr 2008 18:51:59 GMT

Jæja nú er vorið eða sumarið heldur betur komið hér í Malmö, það er bara sól og logn á hverjum degi núna og maður er farin að geta setið léttklæddur í garðinum í von um að fá smá lit á kroppinn8)
Í gær fóru Sigga, David, Heimir og Baltasar til Íslands því það er fermingarveisla í dag hjá Systir Siggu. Anna Lovísa fékk að fara til Íslands með ömmu sinni og afa á sunnudaginn og er hún búin að vera á íslenskum leikskóla í þessari viku er víst að fíla það í tætlur. Núna er ég bara ein í kotinu, er voða dugleg að læra og liggja í leti og sólbaði reyndar líka. Ég prófaði að fara í tai-nudd í dag sem var reyndar mjög þægilegt, gott að láta dekra smá við sig:)
Í gær fékk ég tíma hjá bæklunarlækni í Lundi en svo þegar ég mætti á staðinn sagði konan að þau væru búin að vera að ná í mig allann daginn en ég var samt með símann á mér en enginn hringdi í mig. Þau ætluðu semsagt að segja mér að ég gæti ekki fengið tímann og að ég ætti tíma á miðvikudaginn í staðinn. Ég var nú smá pirruð að vera búin að keyra til Lundar til einskins svo ég ákvað að kíkja í heimsókn til Elvu og fjölskyldu. Ég gerði það þegar ég loksins fann hvar þau eiga heima. Var soldið lengi að rata en komst þangað að lokum;) hehe
Ég verð nú samt að viðurkenna að það er mjög kósý að vera einn heima og geta slappað af en það er líka mjög skrítið og ég sakna nú fjölskyldunuar minnar soldið. Held að ég gæti ekki búið lengi ein, en kannski venst það bara. Á laugardaginn hætti ég nú samt að vera ein því hún Oddný Ása pjása ætlar að koma í heimsókn og vera fram á þriðjudagskvöld:D oh hvað ég hlakka til að fá hana, geta sýnt henni hvar ég bý og hvað ég er að gera. Við munum nú örugglega bralla eitthvað skemmtilegt, versla, djamma, fara í tívolí í köben og margt fleira.
Jæja segi þetta gott í bili ætla að horfa á medium og íslenska konu sem er að leyta að pabba sínum eftir 40 ár. Fyndið að sjá það í sænska sjónvarpinu, hún íslensk og hann norskur en hún býr í Svíþjóð.
Kv. Herdís freknótta

Myndir

Wed, 09 Apr 2008 18:42:02 GMT

Loksins loksins!!!!!
Jæja núna er ég loksins búin að henda inn nokkrum myndum. Aðallega frá Íslanda ferðum en ég á eftir að setja nokkrar í viðbót, ég er að vinna í þessu núna.
Annars allt gott að frétta, vorið komið og allir að verða frískir nema ég sem endalaust illt í hálsinum.
Simon og William koma um helgina og heimsókn frá Íslandi líka en foreldrar Siggu koma um helgina og verða hér í tæpar tvær vikur held ég. Systir Siggu, mágur og systur dóttir verða líka í Köben um helgina:)
Hugborg ég fer líklega á laugardaginn yfir til Köben og reyni að skipta fötunum fyrir Örnu Hrönn.
Jæja segi þetta gott í bili. Ég ætla að henda inn restinni af myndunum og hoppa svo í bað.
Hafið það gott góðir hálsar:)
kv. Herdís

p.s linkurinn á myndirnar er hér

Þreyta í dag

Sun, 06 Apr 2008 15:04:31 GMT

Hæ hæ! er ekki kominn tími á smá fréttir?
Helgina þegar sumardagurinn fyrsti er fara Sigga, David og krakkarnir til Íslands og verða frá miðvikudegi fram á sunnudag þannig að ég verð ein í kotinu í nokkra daga. Oddný Ása og Sigrún Arna ætla kannski að koma í heimsókn þá sem verður æðislega gaman ef þær geta komið:) Ég var að kíkja á netið og tívolí í köben verður búið að opna þá en það á að opna það núna 17.apríl þannig að við getum farið þangað stelpur ef þið komið:)
Annars er öllum velkomið að koma í heimsókn þessa helgi og bara hvenær sem er.
Á fimmtudagskvöldið fór ég í bíó með Elvu og sáum við 27 dresses mjög góð mynd og skemmtum við okkur konunglega, sérstaklega þegar við sáum í auglýsingunum að það er bráðum að koma önnur bíómynd með Patrick Dempsey úr Grey´s anatomy þar sem hann á að vera brúðarmey fyrir bestu vinkonu sína en hann er samt ástfanginn af henni....Uuuuu semsagt svaka stelpumynd sem verður örugglega ekki leiðinlegt að horfa á:D
Í gærkvöldi var svo grillpartý hjá Maríu og Helga og mættu þangað nokkrir kórfélagar og makar, alls vorum við 7. Það var mikið grillað, talað og drukkið sem var mjög gaman og maturinn var rosa góður, sérstaklega eftirrétturinn en við Elva komum með banana og mars handa öllum sem var grillað og oh hvað það var gott með ís líka. Ummmmm
Hvað á ég að segja ykkur meira, jú það er búin að vera endalaus pest í húsinu eða krakkarnir eru búin að vera veik það er að segja. Þau eru öll búin að vera að æla til skiptis og strákarnir með niðurgang alla vikuna. Heimir Móses er líka búin að vera með frekar mikið kvef í ca 3 vikur og svo fékk hann hita líka í vikunni sem engar verkjatöflur slógu á þannig að hann fór til læknis á föstudaginn og fékk pensilín og verður vonandi betri af því. Hann er reyndar strax orðin betri en vonandi fara öll veikindi að taka enda núna því vorið er komið!!!!!!!
Það er farið að vera mjög gott veður, núna er t.d 12°C úti og sól enda eru allir á leiðinni út í garð eða þrífa bíla.
Á morgun er svo bara skóli og nóg að gera.
Hafið það gott og ekki klikkast á vonda veðrinu á Íslandi sem ætlar að taka enda.
kv. Herdís Ólöf

Páskar, skírn, Ísland og nóg að gera í skólanum

Fri, 28 Mar 2008 17:24:09 GMT

Nú er alltof langt síðan ég bloggaði síðast þannig að það stefnir í langt blogg núna ef ég man að skrifa um allt, er stundum pínu tóm í hausnum og man ekki allt sem ég hafði hugsað mér að skrifa um.
Í dag er föstududagur og oddatölu vika sem þýðir að Simon og William eru hér um helgina. David fór í vinnuna í morgon og svo skutalði ég Heimi til hans og þeir fóru til Hässleholm að ná í drengina. Ég fór aftur á móti heim og svo átti hópurinn minn í skólanum fund með markaðsstjóra BRIO og við 3 sátum með henni í rúman einn og hálfan tíma sem var mjög áhugavert og hún gat sagt okkur mjög mikið. Enda komum við út með fullt af bæklingum og upplýsingum frá henni sem við þurfum svo að vinna úr:) Áður en við fórum inn sagði Toni mér svo að einkunirnar úr prófinu sem við tókum í byrjun mars væri komnar á netið. Hann sagði líka að næstum því allir hefðu fallið, einstaka nemandi hafði náð og nokkrir fengið mjög góða einkun eða vel náð. Guð hvað ég varð stressuð og var viss um að ég hefði fallið. Svo kom ég heim núna seinni partinn og kíkti á netið, þvílíkt stressuð og viti menn ég náði og meira að segja vel því ég var með 38 stig af 40 sem þýðir á íslenskum skala 9,5:D Enda er ég í skýjunum með þetta núna......:lol:
Annars er nóg að gera í skólanum núna, stóra verkefnið verður að fara að komast betur í gang og svo erum við líka að gera bókfærsluverkefni í hóp sem á að skila 14. apríl plús allt sem er að gerast á fyrirlestrunum og ég er óneitanlega svolítið eftir á þar sem ég lærði ekki neitt á Íslandi enda var ekki við öðru að búast en ég reyni að vinna þetta upp um helgina.
Það sem er annars búið að vera að gerast síðustu daga er að ég var á Íslandi í viku yfir páskana sem var yndislegt. Litla smá dóttir Hugborgar og Grétars var skírð á laugardeginum og fékk fallega nafnið Arna Hrönn, ég og Vilborg systir Grétars fengum heiðurinn af því að vera skírnarvottar og lásum smá texta úr biblíunni í messunni. Presturinn gaf okkur svo bækling um það hvað það er að vera skírnarvottur og hvað maður á að gera og ég skal sko segja ykkur að þetta er hörku vinna. Maður þarf meðal annars að muna skírnardaginn og gefa barninum gjöf á þeim degi sem minnir á guð eða skírnina. Biðja fyrir barninu og með því. Fylgjast með barninu í fermingarfræðslunni og ganga með því til altaris og margt fleira. Hugborg hélt á tímabili að ég myndi hætta við en ætli ég láti mig ekki hafa þetta;) hehe
Dvölin á Íslandi var mjög skemmtileg og góð fyrir utan smá pest á sunnudaginn og mánudaginn og ég náði að háma í mig tvö páskaegg númer 4 annað frá Nóa og hitt frá Freyju bæði að sjálfsögðu mjög góð:)
Á miðvikudaginn kom ég svo aftur til Svíþjóðar og það er alltaf jafn gott að koma "heim" aftur. Næsta ferðalag er svo til Þýskalands í sumar þar sem ég mun hitta Hjalta og Siggu og við ætlum að heimsækja ættingja okkar þar í landi og reyna að skoða eitthvað skemmtilegt og erum við strax byrjuð að plana það ferðalag aðeins.
Ætla að reyna að setja inn myndir frá páskunum og síðastliðnum vikum eins fljótt og hægt er. Ég er nýbúin að setja þær í tölvuna og skelli þeim svo bráðum á netið þegar hausverkurinn er farinn.
Jæja nú ætla ég að hætta að tuða, hafið það gott og góða helgi.
kv. Herdís Ólöf

kvak kvak

Sat, 15 Mar 2008 23:04:53 GMT

Hver man ekki eftir eurovision árið 1999 þegar Selma og þar með Ísland lenti í 2.sæti? En munið þið líka eftir sænsku sílikon bombunni sem vann keppnina það árið? En allavega hvort sem þið mundið eftir henni eða ekki þá völdu svíar hana í kvöld sem sitt framlag í eurovision í ár. Lagið er allt í lagi bara svona týpískt eurovision lag en hún er alltaf jafn gerfileg greyið.

Þið hafið án efa eins og ég stoppað fyrir gangandi vegfarendum þegar þið eruð að keyra en það er ekki á hverjum degi sem maður stoppar fyrir 2 gæsum þegar þær eru að labba yfir götuna. En það er svo fyndið að hér rétt fyrir neðan hjá okkur er frekar stór umferðargata sem við keyrum á hverjum degi. Hinum megin við götuna er svo stórt útivistarsvæði með fótboltavöllum og fleiru skemmtilegu en allavega á þessu svæði er alltaf fullt af gæsum og þær koma ótrúlega nálægt fólki sem labbar og hjólar framhjá og líka bílunum. Svo kemur fyrir að þær labbi út á götu og ég þurfti að stoppa fyrir 2 þegar þær röltu í rólegheitum yfirgötuna. Bara dúllur:) Samt langar mann óneitanlega að skjóta þær og hafa í jólamatinn....

Annars er allt við það sama hjá okkur, Sigga er byrjuð í nýju vinnunni í danmörku sem er mjög skemmtileg en erfið því allt er á dönsku og svo er líka mjög mikið að gera hjá þeim, David var að koma heim frá Kína í gærkvöldi og Simon og William eru hjá okkur þessa helgina. Ég fór í klippingu og litun í dag þannig að ég er orðin fín fyrir páskana og er farin að hlakka til að koma heim og borða páskaegg og mjólk:D ummmmm
Segi þetta gott úr dýraríkinu Malmö með gæsum og kanínum við þjóðvegina.
Herdís Ólöf